Ene ti mesaz Arnaud Carporan ki mo ena plezir difizer isi:
Invitasion nasional pou enn partisipasion dan
deziem edision premie diksioner kreol monoleng
Koleksion Text Kreol pe anons bann Morisien ki stok premie edision Diksioner Morisien finn epwize. Nou remersie tou dimounn (etidian, partikilie, lapres, institision, etc.) ki finn permet sa premie lavantir-la vinn enn sikse lor plan nasional, rezional ek internasional.
Nou finn deza rant dan faz preparasion deziem edision. Nou pe lans enn lapel nasional pou ki sak Morisien ki anvi kontribie ladan kapav fer li. Zot kontribision kapav dan form :
1. Koreksion lor bann definision ki ena dan premie edision;
2. Propozision lor bann mo ki manke dan premie edision.
Dat limit pou kontribision : 31 oktob 2009
Kontribision kapav fer direkteman lor
diksionermorisien@gmail.com
ouswa par SMS lor enn sa bann nimero-la :
7954652; 7597095; 7522908.
Pou plis detay, pa ezite kontakte nou.
Mersi.
Dr Arnaud Carpooran
Responsab proze
1 Response to “Diksioner Morisien d’Arnaud Carporan”